ქართველმა მომღერალმა ნოდიკო ტატიშვილმა, შვედეთის სამეფო ოჯახის ზამთრის მეჯლისიდან მოწვევა მიიღო, სადაც ის ევროვიზიის საკონკუროს სიმღერის გარდა, “თბილისოს” და “სულიკოს” შეასრულებს.
სიმღერები “თბილისო” და “სულიკო” შვედეთის სამეფო ოჯახის ზამთრის მეჯლისზე პირველად შესრულდება.
ნოდიკო პირველი ქართველი მომღერალია, რომელიც შვედეთის სამეფო ოჯახის ზამთრის მეჯლისზე იმღერებს.
ზამთრის მეჯლისი სტოკჰოლმში ყოველწლიურად ტარდება. სამეფო ოჯახის ტრადიციას ამჯერად დედოფალი აგრძელებს და სწორედ მისი პატრონაჟით, ქალაქის ერთ-ერთ ყველაზე მდიდრულ დარბაზში, ქველმოქმედების მიზნით, სამეფო გვარის წარმომადგენლები და საპატიო სტუმრები იკრიბებიან.
