„ნაციონალური მოძრაობის“ ერთ-ერთი ლიდერის, ზურაბ ჭიაბერაშვილის განცხადებით, NDI-ის მიერ გამოქვეყნებულმა კვლევებმა აჩვენა, რომ ქართველმა ხალხმა ექს-პრემიერ ბიძინა ივანიშვილს განაჩენი უკვე გამოუტანა. ამის შესახებ ჭიაბერაშვილმა სასტუმრო „თბილისი მარიოტში“ მიმდინარე კონფერენციის დაწყებამდე განაცხადა, სადაც საზოგადოებრივი აზრის კვლევის შედეგებზე მსჯელობენ.
„ამ კვლევებმა, რომელიც ჩვენთვის აბსოლუტურად სანდოა, აჩვენა, რომ ქართველმა ხალხმა ბიძინა ივანიშვილს განაჩენი უკვე გამოუტანა და ეს უბრალოდ ოქტომბრის არჩევნებზე უნდა გაფორმდეს. დღევანდელი კონფერენცია იმას ეხება, რომ წინასაარჩევნო პერიოდი ისე გავიაროთ, რომ ივანიშვილმა ვერ შეძლოს ქართველ ხალხს არჩევანის ნება წაართვას და ხალხმა დაიბრუნოს ნამდვილი მთავრობა“, – განაცხადა ჭიაბერაშვილმა.