დღეს ზუგდიდში სხვადასხვა მედია საშუალების ოპერატორებმა და ჟურნალისტებმა მდუმარე სოლიდარობის აქცია გამართეს.
აქციაში მონაწილეობა მიიღეს რეგიონში მოქმედი სააგენტოების, ტელეკომპანიებისა და ნაციონალური მაუწყებლების ჟურნალისტებმა, ოპერატორებმა და ფოტორეპორტიორებმა.
აქციის მონაწილეებმა დაგმეს გუშინ თბილისში მასმედიაზე განხორციელებული ძალადობა, ყველა დამნაშავის გამოვლენა და კანონის სრული სიმკაცრით დასჯა მოითხოვეს.
