,,უმრავლესობიდან გასვლა არანაირი პოლიტიკური დანაშაული არ არის”

region
ავტ.: region მაისი 1, 2019 17:14

,,უმრავლესობიდან გასვლა არანაირი პოლიტიკური დანაშაული არ არის”

უმრავლესობის შემედგენლობაში ყოფნა პრინციპულ თემებთან დაკავშვირებით აზრთა სხვადასხვაობას არ ითვალისწინებს, – ამის შესახებ პარლამენტის ვიცე-სპიკერმა გია ვოლსკიმ ლევან კობერიძის საპარლამენტო უმრავლესობის დატოვების საკითხის კომენტირებისას განაცხადა.

გია ვოლსკის თქმით, ის ელოდა, რომ ლევან კობერიძე უმრავლესობას დატოვებდა.

„არის საკითხები, რომელზეც მოსაზრებები ერთმანეთს არ ემთხვევა. დემოკრატიული სახელმწიფოსთვის ამაში არაფერი მოულოდნელი და უცხო არ არის. მას გარკვეულ საკითხებთან დაკავშირებით განსხვავებული მოსაზრებები აქვს. უმრავლესობის შემედგენლობაში ყოფნა პრინციპულ თემებთან დაკავშვირებით აზრთა სხვადასხვაობას არ ითვალისწინებს. უმრავლესობიდან გასვლა არანაირი პოლიტიკური დანაშაული არ არის.

ლევან კობერიძის დღეს გასვლის გადაწყვეტილება არის გარკვეული პოლიტიკური ხრიკი, ფანდი თუ რაც გვინდა დავარქვათ. მე არ მინდა დამამცირებლად გამომივიდეს, მაგრამ პოლიტიკური პოზიციაა. უმრავლესობის რიგების კიდევ ვინმესგან დატოვება ჩემი აზრით მოსალოდნელი არ არის. მე არ ვთვლი, რომ უმრავლესობა ამ შემთხვევაში რაიმენაირად დაზარალებულია.

„საერთო სასამართლოების შეასახებ კანონპროექტი“ წყალგამყოფი იყო თუ არა, რასაკვირველია იყო. იმიტომ, რომ ამ ეტაპზე არც მე და არც ჩემს კოლეგებს არ მიგვაჩნია, რომ ჩვენ უნდა გადავიდეთ პიროვნებათა შეფასების ისეთ რეჟიმში, როდესაც პოლიტიკური სკანდალის გარდა, შედეგი არაფერი დგება“, – განაცხადა გია ვოლსკიმ.

საპარლამენტო უმრავლესობა ლევან კობერიძემ დღეს დატოვა. დეპუტატის განცხადებით, მისი გადაწყვეტილება „საერთო სასამართლოების შესახებ“ კანონპროექტს უკავშირდება. კობერიძე ამბობს, რომ საქმიანობას დამოუკიდებელი დეპუტატის რანგში გააგრძელებს.

ლევან კობერიძემ დღეს „საერთო სასამართლოების შესახებ“ უმრავლესობის მიერ მომზადებული კანონპროექტის წინააღმდეგ მისცა ხმა. პარლამენტმა „საერთო სასამართლოების შესახებ“ უმრავლესობის მიერ მომზადებული კანონპროექტი მესამე მოსმენით დღეს დაამტკიცა. პროექტს მხარი 87-მა დეპუტატმა დაუჭირა, 33 წინააღმდეგი იყო.

region
ავტ.: region მაისი 1, 2019 17:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,276
ვიზიტორი
დღეში
Powered By Google Analytics