თბილისში, წერეთლის გამზირზე ახალგაზრდა მამაკაცი დაჭრეს. არსებული ინფორმაციით, შემთხვევა „დინამოს“ სტადიონის მიმდებარე ტერიტორიაზე გამთენიისას მოხდა. ადგილზე ექსპერტ-კრიმინალისტები მუშაობდნენ.
შსს-ს ინფორმაციით, სამართალდამცავებმა ჯანმრთელობის განზრახ მძიმე დაზიანების ბრალდებით ერთი პირი შემთხვევის ადგილზე დააკავეს.
მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც გულისხმობს ჯანმრთელობის განზრახ მძიმე დაზიანებას.