კონტროლის პალატის ყოფილ თავმჯდომარეს, სულხან მოლაშვილს საფრანგეთიდან დღეს, 23:30 საათზე ჩამოასვენებენ.
სულხან მოლაშვილი პარიზში სამკურნალოდ რამდენიმე დღის წინ გაემგზავრა. კონტროლის პალატის ყოფილი თავმჯდომარე 29 ივნისს საავადმყოფოში გარდაიცვალა.
სულხან მოლაშვილის პანაშვიდი 3 და 4 ივლისს გაიმართება, 5 ივლისს კი ვაკე-საბურთალოს სასაფალოზე დაკრძალავენ.
ცნობისთვის, 2004 წელს საბიუჯეტო თანხების არამიზნობრივად ხარჯვის ბრალდებით დაკავებული მოლაშვილი ყოფილ ხელისუფლებას წამებასა და არაადამიანურ მოპყრობაში ადანაშაულებდა. 9-წლიანი პატიმრობა მოლაშვილს 2006 წლის მარტში მხოლოდ ერთი წლით შეუმსუბუქეს.
პატიმრის მიერ დასახელებული ფაქტები ადამიანის უფლებათა ევროპულმა სასამართლომაც დაადასტურა, რომელმაც სულხან მოლაშვილი ევროპული კონვენციის 4 მუხლით გაამართლა.
სწორედ სასამართლოს გადაწყვეტილება გახდა ერთ-ერთი გარემოება, რის გამოც საქართველოს პროკურატურამ კონტროლის პალატის ექსთავმჯდომარის საქმის ხელახლა ძიება დაიწყო.
კონტროლის პალატის ყოფილ თავმჯდომარეს ჯანმრთელობის პრობლემები სწორედ სასჯელის მოხდის დროს შეექმნა.
