საქართველოს სოფლის მეურნეობის მინისტრს ლევან დავითაშვილს სამი ახალი მოადგილე ჰყავს.
პრემიერ-მინისტრის გიორგი კვირიკაშვილის ბრძანების საფუძველზე, რომელიც მთავრობის ვებგვერდზე გამოქვეყნდა, გიორგი ჩხეიძე, გიორგი ხანიშვილი და რევაზ ასათიანი სოფლის მეურნეობის მინისტრის მოადგილეებად დაინიშნენ.
გიორგი ხანიშვილმა სოფლის მეურნეობის სამინისტროში ფინანსთა სამინისტროდან გადაინაცვლა, ხოლო რევაზ ასათიანი და გიორგი ჩხეიძე სოფლის მეურნეობის სამინისტროში სხვადასხვა პოზიციებზე მუშაობდნენ.
გარდა ამისა, მინისტრის მოადგილის თანამდებობაზე შეინარჩუნეს ნოდარ კერესელიძემ და იური ნოზაძემ.
