საქართველოს, აზერბაიჯანის, თურქეთისა და ირანის საგარეო საქმეთა მინისტრები ბაქოში ოთხმხრივ შეხვედრას გამართავენ

ქეთი ფერაძე
ავტ.: ქეთი ფერაძე მარტი 15, 2018 11:47

საქართველოს, აზერბაიჯანის, თურქეთისა და ირანის საგარეო საქმეთა მინისტრები ბაქოში ოთხმხრივ შეხვედრას გამართავენ

საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე ბაქოში იმყოფება, სადაც დღეს აზერბაიჯანის რესპუბლიკის, საქართველოს, ირანის ისლამური რესპუბლიკისა და თურქეთის რესპუბლიკის საგარეო საქმეთა მინისტრების პირველი ოთხმხრივი შეხვედრა გაიმართება.

საგარეო უწყების ცნობით, ახალი ფორმატი ითვალისწინებს რეგიონული კავშირების გაღრმავებას და მოიცავს ეკონომიკური თანამშრომლობის ისეთ მიმართულებებს, როგორიცაა ტრანსპორტი, ენერგეტიკა და სხვა.

შეხვედრის შემდგომ გაიმართება ოთხი ქვეყნის საგარეო საქმეთა მინისტრების ერთობლივი პრესკონფერენცია.

საქართველოს საგარეო უწყების ხელმძღვანელი ასევე პირისპირ შეხვედრებს გამართავს აზერბაიჯანელ, თურქ და ირანელ კოლეგებთან.

ქეთი ფერაძე
ავტ.: ქეთი ფერაძე მარტი 15, 2018 11:47