მამუკა კუდავა:ელჩის ან დიპლომატის მკვლელობა, დაპატიმრება ან დაშინება ცალსახად მიუღებელი და საშიშია

თაიმერი timer.ge
ავტ.: თაიმერი timer.ge დეკემბერი 20, 2016 01:06

მამუკა კუდავა:ელჩის ან დიპლომატის მკვლელობა, დაპატიმრება ან დაშინება ცალსახად მიუღებელი და საშიშია

საქართველოს ყოფილი ელჩი საფრანგეთში მამუკა კუდავა, თურქეთში რუსეთის ელჩზე განხორციელებული ტერაქტის გამო სოციალურ ქსელებში მომხმარებლების კომენტარებს ეხმაურება: “რამდენიმე კომენტარი წავიკითხე სიხარულის თუ აღტაცების გამოხატვით რუსი ელჩის მკვლელობაზე. მათ საყურადღებოდ:
ელჩის ან დიპლომატის მკვლელობა, დაპატიმრება ან დაშინება ცალსახად მიუღებელი და საშიშია, პირველ რიგში ქართველი დიპლომატებისთვის.
მწარე ისტორიული გამოცდილების გამო 1961 წელს შემუშავდა ვენის კონვენცია დიპლომატიური ურთიერთობების შესახებ, რომელიც განსაზღვრავს დიპლომატთა მოვალეობებს.
იმისთვის, რომ ადგილსამყოფელ ქვეყანაში დიპლომატები არ გახდნენ ზეწოლის ან შანტაჟის ობიექტი, მათ ენიჭებათ აბსოლუტური იმუნიტეტი, მათ შორის თუნდაც კრიმინალურ საქმეებზე. წინააღმდეგ შემთხვევაში, დიპლომატის პროფესია არ იარსებებდა – თავდაცულად ვერავინ იგრძნობს უცხოეთში და არავინ წავიდოდა სახელმწიფოს სამსახურში საზღვარგარეთ, განსაკუთრებით მგრძნობიარე რეგიონებში.
დიპლომატიური იმუნიტეტი ხელშეუხებელია და დიპლომატთა ხელყოფა არ შეიძლება. მოგვწონს თუ არა ამას თუ იმ ქვეყნის ესა თუ ის დიპლომატი, დიპლომატები ქვეყნის გარეთ გაგზავნილი ჯარისკაცები არიან იარაღის გარეშე” წერს მამუკა კუდავა.

თაიმერი timer.ge
ავტ.: თაიმერი timer.ge დეკემბერი 20, 2016 01:06

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


12,804
ვიზიტორი
დღეში
Powered By Google Analytics