რუსული საოკუპაციო ძალები კიევის ოლქში გადაჯგუფებას ახორციელებენ და სამხედროების ნაწილი ბელარუსში გაჰყავთ. ამის შესახებ კიევის საოლქო სამხედრო ადმინისტრაცია იუწყება. ინფორმაციას „უნიანი“ ავრცელებს.
კიევის ადმინისტრაციაში არ გამორიცხავენ, რომ რუსებს ძალები ბელარუსში ბრძოლისუნარიანობის აღდგენის მიზნით გაჰყავთ. ამასთანავე, ბელარუსის ტერიტორიაზე ტაქტიკური სარაკეტო კომპლექსების „ისკანდერების“ გადაადგილება შეინიშნება.
პარალელურად კიევის ოლქში დასახლებული პუნქტების დაბომბვა არ წყდება. გასული დღე-ღამის განმავლობაში საარტილერიო და სარაკეტო ცეცხლი 40-ჯერ გაიხსნა.
