კასპის მუნიციპალიტეტის მერმა, მანუჩარ მერებაშვილმა თანამდებობა დატოვა.
მისი თქმით, მერის თანამდებობას პირადი განცხადების საფუძველზე ტოვებს.
„პირადი განცხადების საფუძველზე წავედი. დღეს დავწერე განცხადება. უკვე დავემშვიდობე თანამშრომლებს და მადლობა გადავუხადე“, – განაცხადა კასპის უკვე ყოფილმა მერმა.
ამასთან, მერებაშვილმა აღნიშნა, რომ უახლოეს დღეებში გადაწყვეტს, სად განაგრძობს საქმიანობას. მისი თქმით, კერძო სექტორიდან რამდენიმე შეთავაზება აქვს.