ტერორისტულმა ორგანიზაცია ისლამურმა სახელმწიფომ ქურთების ქალაქ თელ-ტამერში საავადმყოფოს, ბაზრის და საცხოვრებელი რაიონების აფეთქებაზე პასუხისმგებლობა აიღო. “ქალაქში დიდი აფეთქებები მოხდა, რომელსაც 50-60 ადამიანი შეეწირა, ყველა მათგანი მშბიდობიანი მოქალაქე იყო” – განაცხადა ქურთული დანაყოფების სახალხო თავდაცვის წარმომადგენელმა რედურ სელილმა.
ქურთები ისლამურ სახელმწიფოს როგორც სირიის, ასევე ერაყის ტერიტორიაზეც ებრძვიან. ისინი 65 ქვეყნისგან შემდგარ კოალიციაში შედიან, რომელსაც აშშ ხელმძღვანელობს. კოალიციამ ისლამური სახელმწიფოს პოზიციებზე იერიში 2014 წლის აგვისტოდან დაიწყო.
