ირაკლი კობახიძე: სააკაშვილის განცხადება ორმაგად ეწინააღმდეგება საქართველოს კანონმდებლობას

„მნიშვნელობა არ აქვს, სააკაშვილი ვინმეს მხარს დაუჭერს თუ არა ან გამოვა თუ არა აქტიურად. მას დღეს არანაირი რესურსი არ აქვს“, – აღნიშნა მიხეილ სააკაშვილის ბოლო განცხადებასთან დაკავშირებით „ქართული ოცნების“ აღმასრულებელმა მდივანმა, ირაკლი კობახიძემ ტვ „იმედის“ ეთერში.

რაც შეეხება მიხეილ სააკაშვილის განცხადების სამართლებრივ მხარეს, ირაკლი კობახიძის შეფასებით, ეს არის ცალსახად კანონდარღვევა, გამომდინარე იქედან, რომ ის არ არის საქართველოს მოქალაქე.

„ამას დაემატა ისიც, რომ ის არის უკრაინის საჯარო სამსახურში. საკაშვილი ორმაგად ეწინააღმდეგება კანონს. თუმცა საზოგადოებისთვის ცნობილია, რომ მას ბევრად უფრო მძიმე კანონდარღვევები აქვს ჩადენილი თავის დროზე. მნიშვნელოვანია, მივუთითოთ ამასთან დაკავშირებით შიდა თუ გარე დამკვირვებლებს, რადგან საჭიროა მათი რეაგირება, მათ შორის, უკრაინული მხარის რეაგირებაც, რადგან პირდაპირ ირღვევა ჩვენი საარჩევნო კოდექსი. შესაბამისად, ყველას, ვინც არის საქართველოში სათანადო საარჩევნო გარემოთი დაინტერესებული, უნდა ჰქონდეთ შესაბამისი რეაგირება“, – განაცხადა ირაკლი კობახიძემ.​

რეკლამის ბანერი
წინა სტატიაშიგიორგი გახარია – „ქართული ოცნების“ ხელისუფლებამ მოუტანა ქვეყანას გრძელვადიანი სტაბილურობა და ეს უკიდურესად მნიშვნელოვანია, განსაკუთრებით, ქვეყნებისთვის გარდამავალ ეტაპზე
შემდეგი სტატიაგიორგი გახარია – პროპორციული საარჩევნო სისტემა და საპარლამენტო დემოკრატია არის შესაძლებლობა, ქვეყანაში მოხდეს პოლიტიკური ელიტების ცვლილება და ახალი თაობა პოლიტიკურ ცხოვრებაში რაც შეიძლება სწრაფად ჩაერთოს