საქართველოს პრემიერ-მინისტრი კომპოზიტორ გია ყანჩელის გარდაცვალების გამო მწუხარებას გამოთქვამს.
როგორც გიორგი გახარიამ მთავრობის სხდომაზე აღნიშნა, გია ყანჩელის ქართულ მოტივებზე შექმნილი მუსიკა მსოფლიო საგანძურში დაიკავებს ადგილს.
„პირველ რიგში მინდა კიდევ ერთხელ მწუხარება გამოვთქვა, დიდი ქართველი კომპოზიტორის, გია ყანჩელის გარდაცვალების გამო. ნამდვილად, ეს ის შემთხვევაა, როდესაც გია ყანჩელის ქართულ მოტივებზე შექმნილი მუსიკა მსოფლიო საგანძურში დაიკავებს ადგილს. მინდა მივუსამძიმრო მის ოჯახს, ახლობლებს და საქართველოს მოქალაქეებს“, – განაცხადა საქართველოს პრემიერ-მინისტრმა გიორგი გახარიამ.
კომპოზიტორი გია ყანჩელი 84 წლის ასაკში, 2 ოქტომბერს გარდაიცვალა. გია ყანჩელს 5 ოქტომბერს დიდუბის პანთეონში დაკრძალავენ.
