გახარია – მიხეილ სააკაშვილი პოლიტიკური პატიმარი არ არის

პარტია „საქართველოსთვის“ ლიდერის, გიორგი გახარიას განცხადებით, ექსპრეზიდენტი მიხეილ სააკაშვილი პოლიტიკური პატიმარი არ არის.

როგორც მან ჟურნალისტებს განუცხადა, ხელისუფლებას მეტი გონიერება მართებს, რომ მიხეილ სააკაშვილის ჯანმრთელობის მდგომარეობა ტრაგიკომედიად არ იქცეს.

„ძალიან კარგად მახსოვს, წინა არჩევნები იყო, მაშინ კომენტარი გავაკეთე, რომ საერთოდ სააკაშვილის საქართველოში ჩამოსვლა ეს იყო ორგანიზებული კომედია, რომელიც არჩევნების წინა დღეს მოგვიწყვეს. ეს ყველაფერი გადაივლის, ქართველი ამომრჩეველი დაფიქრდება, რა ხდებოდა პირველი ტურის და მეორე ტურის შემდეგ. მთავრობას მეტი გონიერება მართებს, რომ ეს ტრაგიკომედია არ გახდეს. მიშა სააკაშვილი პოლიტპატიმარი არ არის, მაგრამ ეს არ ნიშნავს იმას, რომ სახელმწიფო აპარატმა ქვეყნის ყოფილი პრეზიდენტის ჯანმრთელობაზე არ უნდა იზრუნოს. რა თქმა უნდა, ყველა პატიმარს უნდა ჰქონდეს სახელმწიფოს მხრიდან სრული ზრუნვა მათ ჯანმრთელობაზე და ეს სახელმწიფოს ვალდებულებაა. კიდევ ერთხელ მინდა ვუთხრა, ისე არ გააკეთონ, რომ სახელმწიფო და ქვეყანა დააზიანონ“, – განაცხადა გახარიამ.

წინა სტატიაშიგახარია – დღეის მონაცემებით, კოალიცია არავისთან გვექნება
შემდეგი სტატიაგახარია – როცა გვაიძულებენ, ორ ცუდს შორის ერთი ავირჩიოთ, მე არცერთს ხმას არ მივცემ