საქართველოს ყოფილი პრემიერ-მინისტრი, პოლიტიკაში დაბრუნებული ბიძინა ივანიშვილი გუშინ სამი ტელევიზიის სამ ჟურნალისტს შეხვდა, ეკა კვესიტაძესთან დისკუსიაში კი აღნიშნა, რომ მმართველ გუნდს ტელეკომპანია „რუსთავი 2“-თან მიმართებით, საკუთარი გეგმები აქვს.
ივანიშვილის მუქარა ტელეკომპანიის მიმართ – „ლეიბორისტული პარტიის“ საპრეზიდენტო კანდიდატი, შალვა ნათელაშვილი აღნიშნულს მედიის დევნას უწოდებს:
„ქვეყნის დაქცევას აბრალებს ტელევიზიას და პლიუს ამას ემუქრება, რომ იქ თავისუფალ აზრს შემოიტანს და შემოიყვანს. ეს მედიაზე ზეწოლა აღარ არის, ეს არის მედიის დევნა და ეს არის მეკობრეობა მედიის წინააღმდეგ“, – აღნიშნავს შალვა ნათელაშვილი.