დღეს, პოლონეთისა და გერმანიის ფრენბურთის ნაკრებებს შორის მატჩში, რომელიც გერმანიაში გაიმართა, პოლონელმა გულშემატკივრებმა ლოზუნგი გამოფინეს: “დაიცავით თქვენი ქალები, არა ჩვენი დემოკრატია”.
ლოზუნგის ავტორები, სავარაუდოდ, გულისხმობდნენ ორი დღის წინ პოლონეთში მიღებულ მედიის კანონს, რომელმაც ევროკავშირის აღშფოთება გამოიწვია. კანონის მიხედვით, პოლონეთის მთავრობას ახსნა-განმარტებების გარეშე შეუძლია მოხსნას და დანიშნოს საზოგადოებრივი ტელევიზიისა და რადიოს ხელმძღვანელები.
კანონის შესახებ ევროკავშირი 13 იანვარს იმსჯელებს. შესაძლოა პოლონეთს დოტაციები მოეხსნას ევროკავშირისგან.