პარტია „გირჩის“ წევრი ჰერმან საბო ირაკლი ღარიბაშვილის წერილს გამოეხმაურა, რომელშიც პრემიერ-მინისტრი ბიძინა ივანიშვილთან ურთიერთობაზე საუბრობს. საბოს თქმით, სწორი იქნება, თუ ივანიშვილი დაბრუნდება პოლიტიკაში.
„ბიძინა ივანიშვილი შეიძლება წავიდა ქართული პოლიტიკიდან, მაგრამ ქართული პოლიტიკა არ წასულა მისგან, შეუძლებელია, რაღაც გადაწყვეტილებებზე მას არ ჰქონდეს გავლენა. ამიტომ, ჩემი აზრით, უფრო სწორი და ბუნებრივი იქნება, თუკი ის ქართულ პოლიტიკაში დაბრუნდება, ამით ბევრად უფრო გასაგები იქნება, რა პოზიცია აქვს მას“, – განაცხადა საბომ.
