საქართველოს პარლამენტის თავმჯდომარის თანამდებობას, არსებული ინფორმაციით, ირაკლი კობახიძე დაიკავებს.
პოლიტიკური გადაწყვეტილება “ქართულ ოცნებაში” უკვე მიღებულია.
კანონმდებლობის მიხედვით, პარლამენტის თავმჯდომარის კანდიდატურას საპარლამენტო უმრავლესობა წარადგენს. მის ასარჩევად კი, 76 დეპუტატის ხმაა საჭირო.
„ქართული ოცნება“ პირველივე სხდომაზე თავმჯდომარეობის კანდიდატად სწორედ ირაკლი კობახიძეს დაასახელებს.
ირაკლი კობახიძე პარტია „ქართული ოცნების“ აღმასრულებელი მდივნის თანამდებობას იკავებს, კობახიძე “ქართული ოცნების” საარჩევნო სიის მე-3 ნომერია.
