ზუგდიდის რეფერალური ჰოსპიტალის ეზოში, საოკუპაციო რეჟიმის მიერ უკანონოდ დაკავებული ექიმის, ვაჟა გაფრინდაშვილის მხარდასაჭერი აქცია გაიმართა.
მედიკოსების მიერ ორგანიზებული აქციის მთავარი მოთხოვნა ვაჟა გაფრინდაშვილის გათავისუფლება იყო. აქციის მონაწილე მედიკოსებმა ოკუპირებულ ტერიტორიაზე მომუშავე მედიკოსებს ვაჟა გაფრინდაშვილის მხარდაჭერისკენ მოუწოდეს, რადგან მათი განცხადებით,ექიმის პროფესიას საზღვრები არ გააჩნია.
ვაჟა გაფრინდაშვილი, რომელიც ე.წ საოკუპაციო საზღვართან 9 ნოემბერს დააკავეს ამ დრომდე ცხინვალის იზოლატორში იმყოფება. საოკუპაციო რეჟიმის ე.წ სასამართლომ მას 2-თვიანი წინასწარი პატიმრობა შეუფარდა. ამ დრომდე მას ოჯახთან კონტაქტი არ ჰქონია. ახლობლების თქმით, უცნობია რა პირობებში ჰყავთ დაკავებული ოკუპანტებს.
https://youtu.be/gPE5TiUlvNI
