ფინანსთა მინისტრის ინფორმაციით, 2017 წლის ბიუჯეტი გადაჭარბებით შესრულდა. როგორც მამუკა ბახტაძემ აღნიშნა, ფინანსთა სამინისტროს უკვე აქვს წინასწარი მონაცემები.
„ბიუჯეტის შემოსულობები გადაჭარბებითაა შესრულებული 120 მილიონი ლარით. ჩვენ 18-20 იანვარს გვექნება უკვე დეტალური ინფორმაცია, რომელსაც პარლამენტსაც წარვუდგენთ და ამაზე ბრიფინგიც გაიმართება, სადაც ბიუჯეტის თითოეულ პარამეტრზე ძალიან დაწვრილებით ვისაუბრებთ. დღეს შემიძლია გითხრათ, რომ ბიუჯეტი შესრულებულია გადაჭარბებით 120 მილიონი ლარით, ასევე ძალიან კარგი ციფრები გვაქვს ათვისების ნაწილშიც და თითოეულ ამ პარამეტრზე ჩვენ 18-20 იანვარს ძალიან დეტალურ ინფორმაციას მოგაწვდით“, – განაცხადა ბახტაძემ.
