NDI-ის კვლევის შედეგებს თავისუფალი დემოკრატები ნდობას უცხადებენ.
ამის შესახებ რუსთავი2-თან ზურაბ აბაშიძემ ისაუბრა და თქვა, რომ ქართულმა ოცნებამ საკუთარ იდეებს უღალატა და NDI-ის კვლევაში ამის შედეგი აისახა.
„ამ კვლევამ აჩვენა, რომ ეს პოლიტიკური ძალა საერთოდ აღარ არსებობს. ხელისუფლებას, რომელსაც ასეთი დაბალი რეიტინგი აქვს, შეიძლება ითქვას, რომ ეს ხელისუფლება აღარ არსებობს. მაგრამ აქვე უნდა ითქვას, რომ ეს არ ნიშნავს, რომ საზოგადოებაში გაჩნდა ნოსტალგია და ნაციონალური მოძრაობის მმართველობა მოენატრა,“ – აცხადებს ზურაბ აბაშიძე.
თავისუფალი დემოკრატები, NDI-ის კვლევის შედეგებით ნაჩვენებ იმ ამომრჩეველზე აპირებენ მუშაობას, რომელსაც ჯერ გადაწყვეტილება მიღებული არა აქვს და აბაშიძე ამბობს, რომ “ალასანიას გუნდი მოსახლეობას რეალურ დაპირებებს მისცემს”.