საპროკურორო საბჭო უახლოეს დღეებში შეიკრიბება. ადამიანის უფლებათა დაცვის კომიტეტის თავმჯდომარემ, საპროკურორო საბჭოს წევრის რანგში დღეს განცხადება გააკეთა მთავარი პროკურორის შერჩევასთან დაკავშირებით.
დღეს ეკა ბესელიას არ დაუმალავს, რომ მთავარი პროკურორობის ერთ-ერთი კანდიდატი სავარაუდოდ, იქნება მოქმედი პროკურორის პირველი მოადგილე ირაკლი შოთაძე.
„საპროკურორო საბჭოს კენჭისყრამდე ვერ ვიტყვი ვინ იქნება მთავარი პროკურორი და არც ვიცი. თუმცა ერთ-ერთი კანდიდატი დასახელებულთაგან შესაძლოა იყოს ირაკლი შოთაძე“ – აღნიშნა ბესელიამ.
მთავარი პროკურორის სამი შერჩეული კანდიდატურიდან საპროკურორო საბჭომ თვის ბოლომდე ერთი კანდიდატურა უნდა შეარჩიოს. ნოემბერში კი იუსტიციის მინისტრი კანდიდატს წარუდგენს პრემიერს, რის შემდეგაც ის პარლამენტში შევა განსახილველად.
