თბილისის მერის მოადგილეები ალექსანდრე მარგიშვილი და გიორგი ხელაია მერიაში იმყოფებიან. ისინი მერიაში რამდენიმე წუთის წინ მივიდნენ.
მარგიშვილმა და ხელაიამ მათი გადადგომის თაობაზე გავრცელებული ინფორმაციის შესახებ “ინტერპრესნიუსის” შეკითხვა უპასუხოდ დატოვეს.
მარგიშვილი და ხელაია დედაქალაქის მერიაში ერთად მივიდნენ და ფოტოც სწორედ ამ დროს არის გადაღებული.
გავრცელებული ინფორმაციით, თბილისის მერის მოადგილეები ალექსანდრე მარგიშვილი და გიორგი ხელაია თანამდებობიდან გადადგნენ. აღნიშნულ ინფორმაციას დედაქალაქის მერიის პრესსამსახური არ ადასტურებს.
