საგარეო საქმეთა ახალი მინისტრი, მიხეილ ჯანელიძე ამ ეტაპზე უწყებაში ცვლილებებს არ გეგმავს. ამის შესახებ მიხეილ ჯანელიძემ ჟურნალისტებს მთავრობის სხდომის დასრულების შემდეგ განუცხადა.
“ჯერჯერობით არანაირი ცვლილება არ იგეგმება”, – განაცხადა ჯანელიძემ.
მიხეილ ჯანელიძემ ასევე უპასუხა კითხვას, რომელიც მთავრობის დღევანდელ სხდომაზე მის დაგვიანებას ეხებოდა და განმარტა, რომ ტექნიკური მიზეზების გამო დააგვიანდა.