ეროვნულ-დემოკრატიული ინსტიტუტის (NDI) მიერ ჩატარებული კვლევის შედეგების თანახმად, გამოკითხულთა უმრავლესობა მიიჩნევს, რომ 2012 წლის შემდეგ, მისი ოჯახის მდგომარეობა იგივე დარჩა.
კითხვაზე – 2012 წლის ოქტომბრის არჩევნების შემდეგ თქვენ და თქვენი ოჯახის მდგომარეობა როგორ შეიცვალა, გამოკითხულთა 56% პასუხობს, რომ მათი მდგომარეობა არ შეცვლილა.
NDI-ის კვლევის შედეგების მიხედვით, გამოკითხულთა 26%-სთვის მდგომარეობა გაუარესდა, ხოლო 17%-სთვის 2012 წლის შემდეგ უკეთესობისკენ წავიდა.
კვლევის საველე სამუშაოები 4 ნოემბერიდან 4 დეკემბრამდე პერიოდში ჩატარდა. საქართველოს მასშტაბით, ოკუპირებული ტერიტორიების გამოკლებით, 3,141 ადამიანი პირისპირ ინტერვიუს პრინციპით გამოიკითხა.
NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida)აფინანსებს და CRRC–საქართველო ატარებს.