ერთიან ნაციონალურ მოძრაობაში ევროპის ახალგაზრდულ ფესტივალს, თბილისი2015-ს, დადებითად აფასებენ.
საპარლამენტო უმცირესობის ლიდერი, დავით ბაქრაძე, ფიქრობს, რომ ფესტივალმა კარგად ჩაიარა.
“მთლიანობაში ვფიქრობ, რომ ძალიან კარგი იყო. რამდენიმე ხარვეზის გამო ათასობით ადამიანის შრომა არ უნდა დაიკარგოს. ეს იყო კარგი ღონისძიება საქართველოსთვის,” – ეს განცხადება საპარლამენტო უმცირესობის ლიდერმა, დავით ბაქრაძემ, ოლიმპიურ სოფელში გააკეთა.
