პარლამენტის ვიცე-სპიკერის გია ვოლსკის განცხადებით, საკონსტიტუციო სასამართლოს წევრობის კანდიდატთან დაკავშირებით მმართველ გუნდში პოზიცია ჯერჯერობით ჩამოყალიბებული არ არის.
როგორც ვოლსკი აღნიშნავს, საკონსტიტუციო სასამართლოს წევრად რამდენიმე ადამიანის კანდიდატურა განიხილება.
„წინასწარ ამ საკითხზე ვერაფერს გეტყვით. მსჯელობა მიმდინარეობს, თუ ვისი კანდიდატურა იქნება დაყენებული“, – განაცხადა ვოლსკიმ.
არსებული ინფორმაციით, საკონსტიტუციო სასამართლოს წევრობის ერთ-ერთ კანდიდატად ფრაქცია „ქართული ოცნების“ წევრი მანანა კობახიძე განიხილება.
საუბარია პარლამენტის მიერ საკონსტიტუციო სასამართლოში ასათვისებელ კვოტაზე. წინა მოწვევის პარლამენტმა საკონსტიტუციო სასამართლოს წევრი არ აირჩია.
