ზვიად კუპრავას და აქციის სამი მონაწილის დაკავებასთან დაკავშირებით შსს განცხადებას ავრცელებს

შინაგან საქმეთა სამინისტრო, რუსთაველის გამზირზე მიმდინარე აქციაზე, აქციის ერთ-ერთი ორგანიზატორის, ზვიად კუპრავას და აქციის სამი მონაწილის დაკავებასთან დაკავშირებით განცხადებას ავრცელებს.

უწყების განცხადებაში ნათქვამია, რომ აქციის მონაწილეები სამართალდამცველებმა ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს.

“შინაგან საქმეთა სამინისტროს თანამშრომლების მიერ 11 ივნისს თბილისში, რუსთაველის გამზირზე, პარლამენტის შენობის წინ წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე, ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 4 პირი: 1983 წელს დაბადებული ლ.ც., 1983 წელს დაბადებული ზ.კ., 1995 წელს დაბადებული დ.ჭ. და 1993 წელს დაბადებული ნ.გ.

შინაგან საქმეთა სამინისტროსთვის, როგორც მართლწესრიგის დაცვაზე პასუხისმგებელი უწყებისთვის, მნიშვნელოვანია, რომ გამოხატვის თავისუფლება იქნეს უზრუნველყოფილი. ამავე დროს, სამინისტრო პასუხისმგებელია, რომ შეკრებისა და მანიფესტაციის დროს დაცული იქნეს კანონი, არ შეილახოს მოქალაქეების უფლებები და საფრთხე არ შეექმნას საზოგადოებრივ წესრიგს,”-ნათქვამია განცხადებაში.

banner
წინა სტატიაშიინციდენტი რუსთაველის გამზირზე – კარვის შესასვლელებთან პოლიციაა მობილიზებული
შემდეგი სტატიაპოლიციამ გზის სავალ ნაწილზე განთავსებული კარვები დაშალა