უკრაინის უმაღლესი რადას სპიკერი რუსლან სტეფანჩუკი იმედოვნებს, რომ წლის ბოლომდე რადა დაამტკიცებს კანონპროექტებს, რომლებიც აუცილებელია ევროკავშირში გაწევრიანების შესახებ მოლაპარაკებების დასაწყებად.
ეს განცხადება სტეფანჩუკმა „ტელეგრამ-არხით“ გაავრცელა.
„წლის ბოლომდე პარლამენტი მიიღებს კანონებს, რომლებიც აუცილებელია ევროკავშირში გაწევრიანების შესახებ მოლაპარაკებების დასაწყებად. ჩვენ ზუსტად ვიცით, როგორ შევასრულოთ შვიდი მოთხოვნა, რომლებიც უკრაინამ თითქმის ერთი თვის წინ მიიღო“, – განაცახდა სეტაფნჩუკმა და აღნიშნა, რომ ძირითადი სამუშაო სექტემბრიდან დაიწყება.
უკრაინის პარლამენტის სპიკერის ცნობით, უმაღლესი რადა ამზადებს აუცილებელი კანონპროექტების სიას.
„კერძოდ, საუბარია საკონსტიტუციო სასამართლოს რეფორმაზე – საჭიროა შერჩევის საკონკურსო სისტემის დანერგვა. ჩვენ უნდა მოვახდინოთ საერთაშორისო სტანდარტების ინტეგრირება ფულის გათეთრების წინააღმდეგ ბრძოლის საკითხში, შევიტანოთ ცვლილებები ოლიგარქების შესახებ კანონში და ასე შემდეგ“, – აღნიშნა რადას სპიკერმა.
