ზურაბიშვილს არ უნდა მუხტი დაეცეს, რომელსაც რადიკალური ოპოზიცია უდგას სათავეში – ვოლსკი

ვეტო შენიშვნების გარეშე კონსტიტუციის დარღვევაა, სალომე ზურაბიშვილს არ უნდა მუხტი დაეცეს, რომელსაც რადიკალური ოპოზიცია უდგას სათავეში და თავად ლამობს რადიკალური ოპოზიციის ლიდერობას, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.

„სალომე ზურაბიშვილმა განცხადება გააკეთა, რომ ის სათავეში უნდა ჩაუდგეს კოლექტიური „ნაცმოძრაობის“ რევოლუციურ გეგმას. რა საკვირველია, ის არ გაითვალისწინებდა ვენეციის კომისიის დასკვნის დალოდების საჭიროებას და არც შარლ მიშელის მოსაზრებას იმასთან დაკავშირებით, რომ ექსპერტებმა შესაძლოა, დამატებით იმსჯელონ ამ თემაზე. არც იყო მოსალოდნელი, რომ ის მართლაც რაიმე საკითხებდთან დაკავშირებულ შენიშვნებს წარადგენდა და საზოგადოებას საშუალებას მისცემდა, ევლო შეთანხმების გზით. ეს კიდევ ერთხელ ადასტურებს, რომ რადიკალური ოპოზიციის გეგმები არ იცვლება, რევოლუცია მათი ერთადერთი გამოსავალია. ვინაიდან, მათ არანაირი შანსი აქვთ არჩევნებში გამარჯვებას.

ვეტო შენიშვნების გარეშე კონსტიტუციის დარღვევაა. პრეზიდენტს ვალდებულება აქვს, თუნდაც პოლოტიკური შეფასებების ნაწილიც იყოს გათვალისწინებული, მაგრამ ვეტო ძირითადად უნდა ასახავდეს სამართლებრივ დამოკიდებულებას კონკრეტული საკითხის მიმართ. ეს მისი ვალდებულებაა და როცა მას არ ასრულებს, იმას ნიშნავს, რომ კონსტიტუციას კიდევ ერთხელ სერიოზულად აცდა. მას ხელის შეწყობა უნდა ერთადერთი მიზნისთვის, არ უნდა ეს მუხტი დაეცეს, რომელსაც რადიკალური ოპოზიცია უდგას სათავეში და თავად ლამობს რადიკალური ოპოზიციის ლიდერობას“,- განაცხადა გია ვოლსკიმ.

banner
წინა სტატიაშიჯანმრთელობის განზრახ დაზიანების ბრალდებით ერთი პირი ცხელ კვალზე დააკავეს
შემდეგი სტატიაგასაჯაროვდება ყველა პოლიციელი, სპეცრაზმელი თუ მოსამართლე – “გირჩი – მეტი თავისუფლება” და “დროა”