ზურაბ ტყემალაძე პოლიტიკიდან მიდის

news
ავტ.: news ოქტომბერი 19, 2016 12:35

ზურაბ ტყემალაძე პოლიტიკიდან მიდის

პარტია “გოგი თოფაძე-მრეწველების” ერთ-ერთი ლიდერი ზურაბ ტყემალაძე პოლიტიკიდან მიდის, – ამის შესახებ ტყემალაძემ „კვირას“ პრესკლუბში გამართულ პრესკონფერენციაზე განაცხადა.
როგორც ტყემალაძემ აღნიშნა, „მრეწველები“ ახალი ძალებით დაკომპლექტდებიან.

“მე აქტიური პოლიტიკიდან მივდივარ და ასპარეზს ახალ თაობას ვუთმობ. მომავალ თვეს გაიმართება ყრილობა და კონკრეტულად იქ გადაწყდება ყველაფერი. ჩვენი პარტია აქტიურ პოლიტიკურ ცხოვრებას გააგრძელებს ახალი ძალებით და ახალგაზრდებით, რისი რესურსიც აუცილებლად გამოიძებნება“, – განაცხადა ზურაბ ტყემალაძემ “კვირას“ პრესკლუბში გამართულ პრესკონფერენციაზე.

კითხვაზე, დაიკავებს თუ არა მისი შვილი პარტიაში ლიდერის ადგილს, ტყემალაძემ განაცხადა, რომ მსგავსი საკითხები პარტიის ყრილობაზე გადაწყდება.

news
ავტ.: news ოქტომბერი 19, 2016 12:35