ზურაბ ჭიაბერაშვილი : საპენსიო რეფორმა სრულიად გაუაზრებელია

თაიმერი timer.ge
: თაიმერი timer.ge აპრილი 23, 2019 12:35

ზურაბ ჭიაბერაშვილი : საპენსიო რეფორმა სრულიად გაუაზრებელია

„ქართულმა ოცნებამ“ 10 ათასობით ადამიანი ხაფანგში ძალდატანებით შეიყვანა, რომელსაც დაგროვებითი საპენსიო სქემა დაარქვა, – ამის შესახებ „ევროპული საქართველოს“ წევრმა, დეპუტატმა, ზურაბ ჭიაბერაშვილმა პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომის დაწყებამდე განუცხადა ჟურნალისტებს.

მისი განცხადებით, პრობლემა გახდა ისიც, სად განთავსდეს დაგროვებითი პენსიის შედეგად მობილიზებული თანხა.

„საზოგადოება ისედაც აღშფოთებულია, რომ „ქართულმა ოცნებამ“ ძალდატანებით 10 ათასობით ადამიანი ხაფანგში შეიყვანა, რომელსაც დაგროვებითი საპენსიო სქემა დაარქვა და, რომელიც ღირსეულ სიბერესა და პენსიას ვერ იძლევა, მაგრამ უფრო დიდი პრობლემა გამოჩნდა, როდესაც ხალხს უკვე ჯიბიდან ამოუღეს ფული და ახლა იმტვრევენ თავს, ეს ფული სად განათავსონ. საინვესტიციო საბჭო დაკომპლექტებულიც კი არ აქვთ“, – განაცხადა ჭიაბერაშვილმა.

დეპუტატის შეფასებით, ეს მიუთითებს, რომ რეფორმა გაუაზრებელია.

„ეს კიდევ ერთხელ მიუთითებს, რომ საპენსიო რეფორმა სრულიად გაუაზრებელია და „ევროპული საქართველო“ სწორედ ამ კითხვებზე მოვთხოვთ პასუხს საპენსიო სააგენტო თავმჯდომარეს“, – განაცხადა ზურაბ ჭიაბერაშვილმა.

დაგროვებითი პენსიის შესახებ კანონის აღსრულებასთან დაკავშირებით საპენსიო სააგენტოს დირექტორს, ლევან სურგულაძეს დარგობრივი ეკონომიკისა და ეკონომიკური პოლიტიკის კომიტეტის სხდომაზე უსმენენ.

თაიმერი timer.ge
: თაიმერი timer.ge აპრილი 23, 2019 12:35

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


9,832
ვიზიტორი
დღეში
Powered By Google Analytics