ზურაბ აბაშიძე – ვულოცავ ვაჟა გაფრინდაშვილის ოჯახს, რომ ახალ წელს ერთად შეხვდებიან, ბევრი გაკეთდა, რათა ეს შედეგი რაც შეიძლება სწრაფად დამდგარიყო

თაიმერი timer.ge
ავტ.: თაიმერი timer.ge დეკემბერი 28, 2019 15:20

ზურაბ აბაშიძე – ვულოცავ ვაჟა გაფრინდაშვილის ოჯახს, რომ ახალ წელს ერთად შეხვდებიან, ბევრი გაკეთდა, რათა ეს შედეგი რაც შეიძლება სწრაფად დამდგარიყო

მინდა, ვაჟა გაფრინდაშვილს და მის ოჯახს მივულოცო, რომ ისინი ერთად შეხვდებიან ახალ წელს; ჩვენ ყველა ძალიან გახარებული ვართ და მინდა აღვნიშნო, რომ ბევრი გაკეთდა იმისთვის, რათა ეს შედეგი რაც შეიძლება სწრაფად დამდგარიყო, – ამის შესახებ საქართველოს პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განაცხადა.

მისი განმარტებით, ექიმის დაკავების პირველივე დღეებიდან ხელისუფლებამ აამოქმედა ყველა საერთაშორისო ბერკეტი და გამოიყენა საერთაშორისო კონტაქტები, რათა შედეგი სწრაფად დამდგარიყო.

„მე ამ პრობლემის თაობაზე საუბარი მქონდა პრაღაში 28 ნოემბერს, მაქსიმალურად იყო გამოყენებული ჟენევის ფორმატი და ამას ვაკეთებდით ზედმეტი აჟიოტაჟის გარეშე. თუ ახლაც ნაკლები პოლიტიკური აჟიოტაჟი იქნება, ჩემი აზრით, ეს იქნება სწორი მიდგომა. ჩვენ წინ უნდა გავიხედოთ, ჯერ კიდევ ბევრი პრობლემა გვაქვს მოსაგვარებელი და უკეთესი იქნება, მშვიდი და საქმიანი მიდგომით ვიმოქმედოთ. კიდევ ერთხელ ვულოცავ ბატონი ვაჟა გაფრინდაშვილის ოჯახს და ვუსურვებ მათ ყოველივე საუკეთესოს მომავალ 2020 წელს“, – განაცხადა ზურაბ აბაშიძემ.

თაიმერი timer.ge
ავტ.: თაიმერი timer.ge დეკემბერი 28, 2019 15:20

Google სტატისტიკა


2,765
ვიზიტორი
დღეში
Powered By Google Analytics