სენაკის ცენტრში თიბისი ბანკის შენობის დერეფნიდან სწრაფი ჩარიცხვის აპარატი მოიპარეს. “თაიმერის” ინფორმაციით აპარატში დაახლოებით 8 ათასი ლარი იდო. შემთხვევა დღეს დილით მოხდა. აღსანიშნავია რომ ინციდენტის ადგილიდან 30 მეტრში პროკურატურა და სასამართლოს შენობები მდებარეობს. წაღებული აპარატის გატეხვა და თანხის ამოღება უშუალოდ პროკურატურის ეზოსთან მოხდა. მძარცველებმა ცარიელი აპარატი სწორედ პროკურატურის ეზოს მიმდებარე ტერიტორიაზე დატოვეს.
