ზუგდიდში სასაჩუქრედ საოჯახო ელექტროტექნიკის შეძენაზე გამოცხადებული ტენდერი გაუქმდა

თაიმერი timer.ge
ავტ.: თაიმერი timer.ge თებერვალი 14, 2020 20:00

ზუგდიდში სასაჩუქრედ საოჯახო ელექტროტექნიკის შეძენაზე გამოცხადებული ტენდერი გაუქმდა

ზუგდიდის მუნიციპალიტეტის მერის გადაწყვეტილებით, ქალთა და დედის დღისადმი მიძღვნილი ღონისძიებისთვის, სასაჩუქრედ საოჯახო ელექტროტექნიკის შეძენაზე გამოცხადებული ტენდერი, საზოგადოებაში გამოწვეული აზრთა სხვაობის გამო გაუქმდა.

ზუგდიდის მუნიციპალიტეტის მერია ქალთა დღესასწაულისთვის 20 სხვადასხვა ორგანიზაციიდან წარმოდგენილ ქალბატონს თაიგულს და 200 – 200 ლარს, ფულად საჩუქარს გადასცემს, რათა თითოეული მათგანის ინტერესი თანაბრად იქნეს გათვალისწინებული.

ზუგდიდში მოქმედი 20 სხვადასხვა ორგანიზაცია ქალბატონებს თავად, საკუთარი კრიტერიუმებით შერჩევს და წარადგენს.

 

შეგახსენებთ,სატენდერო დოკუმენტების მიხედვით, ზუგდიდის მუნიციპალიტეტის მერია ქალთა და დედის დღისადმი მიძღვნილი ღონისძიებებისთვის სასაჩუქრედ 20 ხორცსაკეპი მანქანის შეძენას გეგმავდა. როგორც მერიაში ამბობდნენ, საჩუქრები იმ ქალებისთვის იყო განკუთვნილი, რომელთაც ქალაქის განვითარებაში შეაქვთ წვლილი. საზოგადოების ნაწილმა აღნიშნული გადაწყვეტილება შეაფასა, როგორც დისკრიმინაციული და პრობლემური.

 

 

თაიმერი timer.ge
ავტ.: თაიმერი timer.ge თებერვალი 14, 2020 20:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,540
ვიზიტორი
დღეში
Powered By Google Analytics