ზუგდიდში რამდენიმე დღის წინ გაუჩინარებული დანიელ შერვაშიძე გარდაცვლილი იპოვეს.
დანიელ შერვაშიძე 21 ივლისს სახლიდან გავიდა და მას შემდეგ მის ადგილსამყოფელს ეძებდნენ. გავრცელებული ინფორმაციით, ის ქუთაისში გამგზავრებას აპირებდა. ახლობლების ცნობით, დანიელ შერვაშიძე სამხედრო პირი, ათმეთაური იყო და წვევამდელების მომზადებაში მონაწილეობდა.
გაუჩინარების ფაქტზე ინფორმირებული იყო პოლიცია და მიმდინარეობდა სამძებრო ღონისძიებები.
სოციალურ ქსელში გავრცელებული ინფორმაციით, დანიელ შერვაშიძე გარდაცვლილი იპოვეს. ამ დროისთვის მისი გარდაცვალების მიზეზი ოფიციალურად ცნობილი არ არის.
