ზუგდიდის საკრებულომ ხმათა უმრავლესობით მხარი დაუჭირა ქალაქში მუნიციპალური ტრანსპორტით მგზავრობის ტარიფის მნიშვნელოვან ზრდას. აღნიშნული გადაწყვეტილება საკრებულოს წევრებმა დღევანდელ სხდომაზე მიიღეს.
მიღებული დადგენილების თანახმად, ახალი ტარიფები ძალაში 2026 წლის 1 ივლისიდან შევა და მოქალაქეები გაძვირებული ფასებით ისარგებლებენ:
ქალაქშიდა მიმოსვლა: 50 თეთრის ნაცვლად 80 თეთრი გახდება;
სოფლებში მიმოსვლა: 1 ლარის ნაცვლად 1 ლარითა და 50 თეთრით განისაზღვრა.
სხდომას პოლიტიკური აზრთა სხვადასხვაობა ახლდა.
ტარიფების გაძვირებას მხოლოდ 3 დეპუტატი არ დაეთანხმა — წარმომადგენლები პარტიებიდან „ლელო-ძლიერი საქართველო“, „ევროსოციალისტები“ (1 დეპუტატი) და „ქართული ოცნება“ (1 დეპუტატი).
ზუგდიდის საკრებულოს დღევანდელ შეკრებას საერთოდ არ ესწრებოდა პარტიის — „გახარია საქართველოსთვის“ წარმომადგენელი.
