ზუგდიდში, მიკროსაფინანსო ორგანიზაცია „ლენდოს“ ფილიალს დააყაჩაღეს. აღნიშნული ინფორმაცია ჟურნალისტებს შინაგან საქმეთა სამინისტროში დაუდასტურეს.
„გამოძიება დაიწყო სისხლის სამართლის კოდექსის 179-ე მუხლით, რაც ყაჩაღობას გულისხმობს, მიმდინარეობს საგამოძიებო მოქმედებები“, – განაცხადეს შსს-ში.
არსებული ინფორმაციით, ცეცხლსასროლი იარაღით შეიარაღებულმა პირმა მიკროსაფინანსო ორგანიზაცია „ლენდოდან“ თანხის წაღება შეძლო, თუმცა წაღებული თანხის რაოდენობა ჯერჯერობით უცნობია.
