ზუგდიდში „მაკდონალდსიდან“ თოვლის ბაბუა მოიპარეს. მომსახურე პერსონალი კომენტარს არ აკეთებს, თუმცა როგორც საქართველოს შინაგან საქმეთა სამინისტროში განაცხადეს, ფაქტზე მიმდინარეობს გამოძიება სსკ-ის 177-ე მუხლით, რაც ქურდობას გულისხმობს.
გავრცელებული ინფორმაციით, ქურდობა წუხელ გვიან ღამით მოხდა და პერსონალმა თოვლის ბაბუის დაკარგვის ფაქტი დღეს დილით შეამჩნია.
