ზუგდიდის ინფექციური საავადმყოფოს ბოქსირებულ პალატებში კორონავირუსის დადასტურებული დიაგნოზით ორი პაციენტი აგრძელებს მკურნალობას. როგორც ინფექციურ საავადმყოფოში აცხადებენ, ორივე პაციენტის მდგომარეობა გაუმჯობესდა.
რაც შეეხება სპორტსმენის კლასტერიდან ორსულ ქალს და შუახნის მამაკაცს, რომელსაც ოკუპირებულ აფხაზეთში მოგზაურობის ისტორია აქვს, არც ერთს კორონავირუსი არ დაუდასტურდა. ორივე ანაკლიის საკარანტინო სივრცეში დააბრუნეს.
