ზუგდიდში გარემოვაჭრეებმა აქცია განაახლეს. აქციის მონაწილეები სამეგრელო – ზემო სვანეთის გუბერნატორის ადმინისტრაციის წინ იმყოფებიან და გუბერნატორ ლევან შონიასთან შეხვედრას ითხოვენ.
“არ შევწყვეტთ აქციებს. ვიბრძოლებთ სისხლის ბოლო წვეთამდე. დაგვაბრუნონ ძველ ადგილებზე ან გამოგვიყონ ისეთი ადგილები, სადაც მუშაობის საშუალება გვექნება”, – განაცხადა გარემოვაჭრე მარინა ფარულავამ.
აქციის მონაწილეები გარევაჭრობის ნებართვას დაახლოებით ერთი კვირაა ითხოვენ.