ზუგდიდში, იძულებით გადაადგილებულ პირთა , ლტოლვილთა და განსახლების სამინისტროს აჭარა სამეგრელო ზემო სვანეთის ტერიტორიული ორგანოს ოფისთან, აფხაზეთიდან იძულებით გადაადგილებულმა პირმა, 1977 წელს დაბადებულმა ლელა შამათავა-ჯანჯღავამ პროტესტის ნიშნად, სხეულის თვითდაზიანება მიიყენა – “თაიმერს” შემთხვევის ადგილიდან ექსკლუზიურად აცნობეს. აღნიშულ პიროვნებას, როგორც მისი თანმხლები პირები ამბობენ, აქვს ეპილეფსია და მეორე ჯგუფის ინვალიდია.
ლელა შამათავა-ჯანჯღავას პროტესტი გამოიწვია იმან, რომ მას ზუგდიდში ლტოლვილებისათვის განკუთვნილი ბინა არ მისცეს – მიწერა აქვს თბილისში. ამასთანავე, გავრცელებული ინფორმაციით, აღნიშნული პიროვნება ერთხელ უკვე დააკმაყოფილა შესაბამისმა სამინისტრომ ბინით, რომელიც 2012 წელს იპოთეკით დაკარგა.