ზუგდიდში, თეთრი გიორგის ქუჩაზე მიმდინარე სამუშაოებისას კანალიზაციის მილი გასკდა და ფეკალური მასა სასმელი წყლის ჭაში ჩაიღვარა. როგორც ადგილობრივები აცხადებენ, შედეგად, მოწამლულია რამდენიმე ადამიანი, მათ შორის მცირეწლოვანი ბავშვი. ისინი ზუგდიდის ინფექციურ საავადმყოფოში მკურნალობენ.
როგორც საავადმყოფოში აცხადებენ, მათ სიცოცხლეს საფრთხე არ ემუქრება და შესაბამის მკურნალობას გადიან. ბავშვი გადაყვანილია ქუთაისის ბავშვთა საავადმყოფოში.
ადგილზე მობილიზებულია პოლიცია და იმყოფებიან ზუგდიდის მერიის შესაბამისი სამსახურები.
