ზუგდიდის სასამართლომ, არასრულწლოვნის სექსუალური შევიწროებისათვის პირი 600 ლარით დააჯარიმა

“საიას” ინფორმაციით, ზუგდიდის რაიონულმა სასამართლომ სექსუალური შევიწროებისათვის პირს ადმინისტრაციული პასუხისმგებლობა დააკისრა და 600 ლარით დააჯარიმა.

საია იცავდა არასრულწლოვანს, რომელის მიმართ საჯარო სივრცეში სექსუალური შევიწროება განხორციელდა. ზუგდიდის რაიონულმა სასამართლომ დაადგინა არასრულწლოვანზე განხორციელებული სექსუალური შევიწროების ფაქტი და პასუხისმგებელი პირი 600 ლარით დააჯარიმა. სასამართლოს განმარტებით, სექსუალური შევიწროების მუხლის მიზნებისთვის, “საზოგადოებრივ ადგილად მიჩნეულ უნდა იქნეს ნებისმიერი ადგილი, სადაც ნებისმიერ პირს აქვს ჰყოფნის უფლება ან ამ უფლების მოპოვების შესაძლებლობა.”

ზუგდიდის რაიონული სასამართლოს გადაწყვეტილება ადმინისტრაციულ პასუხისგებაში მიცემულმა პირმა ქუთაისის სააპელაციო სასამართლოში გაასაჩივრა, თუმცა, სააპელაციო სასამართლომაც გაიზიარა პირველი ინსტანციის სასამართლოს დადგენილებაში მოყვანილი ფაქტობრივი და სამართლებრივი დასაბუთება და გადაწყვეტილება უცვლელად დატოვა – ნათქვამია ინფორმაციაში

banner
წინა სტატიაშიAstraZeneca-ს ვაქცინას ვადა მაისის ბოლოს გასდის
შემდეგი სტატიათბილისის მერიის ინიციატივით, საქართველო ევროკავშირის ქსელ Eurodesk-ში გაწევრიანდა