ზუგდიდის მუნიციპალიტესის სოფელ ნაწულუკუში ველოსიპედით და მოტოციკლით მიმავალი ახალგაზრდები ერთმანეთს შეეჯახნენ. ისინი მსუბუქი დაზიანებებით ზუგდიდის რეფერალურ ჰოსპიტალში გადაიყვანეს.საავადმყოფოში აცხადებენ, რომ მათ სიცოცხლეს საფრთხე არ ემუქრება და ახალგაზრდებს შესაბამისი მკურნალობა უტარდებათ. მომხდართან დაკავშირებით შსს კომენტარს მოგვიანებით გააკეთებს.
გამოძიება საქართველოს სისხლის სამართლის კოდექსის 276-ე მუხლის მეორე ნაწილით მიმდინარეობს, რაც ტრანსპორტის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.