ზუგდიდის მერობის დამოუკიდებელმა კანდიდატმა, დომენტი (ზვიად) სიჭინავამ, დღეს მედიის წარმომადგენლებისთვის საარჩევნო პროგრამის პრეზენტაცია გამართა და იმ პრიორიტეტებსა და მიმართულებებზე ისაუბრა, რომლის განხორციელებასაც მერად არჩევის შემთხვევაში გეგმავს.
„არაერთხელ აღვნიშნე, რომ არ ვიძლევი დაპირებებს, ვსაუბრობ კონკრეტულ გეგმებსა და ამოცანებზე, რომელიც აუცილებლად უნდა შესრულდეს. სასიცოცხლოდ მნიშნველოვანია დასაქმების საკითხი. როდესაც ვსაუბრობთ სოციალურ პრობლემებზე, ეკონომიკის განვითარებასა და ინფრასტრუქტურის მოწესრიგებაზე, ცალ-ცალკე ჭრილში არ უნდა განვიხილოთ ეს. პრობლემები არის სისტემური და წლიდან წლამდე მათ მოგვარებაზე არ უნდა ვილაპარაკოთ. ერთხელ და სამუდამოდ მუნიციპალიტეტში უნდა დაიგოს გზა და საარჩევნო დაპირების ნაწილი არ უნდა გახდეს. ჩემი მთავარი მესიჯია, დიალოგი ხალხთან და დასაქმება“, – განაცხადა დომენტი სიჭინავამ.