ზუგდიდის ივერიის ღმრთისმშობლის ხატის სახელობის მშენებარე ტაძარში წირვის მიმდინარეობისას მრევლი ერთმანეთთან გარკვეულ დისტანციას იცავს. ლოცვა 9 საათზე დაიწყო და მას 50-ზე მეტი ადამიანი ესწრება.
საკვირაო წირვას ზუგდიდისა და ცაიშის მიტროპოლიტი, მეუფე გერასიმე ატარებს.
კორონავირუსით ინფიცირებულთა რიცხვი 54-მდე გაიზარდა. კარანტინის რეჟიმში 2956 ადამიანი იმყოფება, სტაციონარში მეთვალყურეობის ქვეშ კი, 291 პაციენტი. კორონავირუსისგან ჯამში 3 ადამიანი განიკურნა.