ზუგდიდი-ანაკლიის გზაზე ავარიისას დაშავებული 7 მოზარდიდან ერთს ამ წუთებში ოპერაცია უტარდება, კიდევ ერთი კი მართვით სუნთქვაზე იმყოფება

თაიმერი timer.ge
: თაიმერი timer.ge მაისი 16, 2019 21:20

ზუგდიდი-ანაკლიის გზაზე  ავარიისას დაშავებული 7 მოზარდიდან ერთს ამ წუთებში ოპერაცია უტარდება, კიდევ ერთი კი მართვით სუნთქვაზე იმყოფება

შვიდი მოზარდი არის შემოყვანილი, მათგან ერთ-ერთი პირდაპირ საოპერაციოში არის შეყვანილი, მეორე პაციენტის ჯანმრთელობის მდგომარეობა მძიმეა, -ამის შესახებ ჟურნალისტებს ზუგდიდის რეფერალური ჰოსპიტალის დირექტორმა სულხან ორჟონიამ განუცხადა. მისივე თქმით, კლინიკაში სამედიცინო დახმარება შვიდივე მოზარდს გაეწია.

„შვიდი მოზარდი არის შემოყვანილი. მათგან ერთ-ერთი პირდაპირ საოპერაციოში არის შეყვანილი. მეორე პაციენტის ჯანმრთელობის მდგომარეობა მძიმეა, აღენიშნება ქალა-ტვინის ტრავმა და მართვით სუნთქვაზე იმყოფება. კიდევ ერთ პაციენტს კი საშუალო სიმძიმის დაჟეჟილობები და ბარძაყის ძვლის მოტეხილობა აღენიშნება“,-განაცხადა ზუგდიდის რეფერალური საავადმყოფოს დირექტორმა.

სულხან ორჟონიას თქმით, დანარჩენი ოთხ მოზარდს კვლევები ჩაუტარდათ და სერიოზული დაზიანებები არ აღენიშნებათ.

ზუგდიდი-ანაკლიის გზაზე, სოფელ პირველ კახათში, ავტოსაგზაო შემთხვევა მოხდა. ადგილობრივების ინფორმაციით, სავარაუდოდ, სწრაფად მოძრავი „მერსედესის“ მარკის ავტომობილი ერთ-ერთი ადგილბრივი მცხოვრების, თემურ ნაყოფიას ეზოში შევარდა. როგორც თემურ ნაყოფიამ ჟურნალისტებს განუცხადა, ამ დროს ის სახლში არ იმყოფებოდა, თუმცა უთხრეს, რომ სასწრაფო დახმარების მანქანებით ყველა დაშავებული ახალგაზრდა სავადმყოფოში გადაიყვანეს

“ჩემს ეზოში შევარდნენ. ამ დროს სახლში არ ვიყავი,ყანაში ვითოხნიდი. დამირეკეს,მითხრეს ეს ამბავი და წამოვედი.აქ დამხვდა ეს სიტუაცია. ყველა საავადმყოფოშია გადაყვანილი”,- განაცხადა თემურ ნაყოფიამ.

www.ipn.ge

თაიმერი timer.ge
: თაიმერი timer.ge მაისი 16, 2019 21:20

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics