ზუგდიდში “ერთიანი ნაციონალური მოძრაობის” დაგეგმილი შეკრება-აქცია რამდენიმე წუთის წინ დაიწყო. ამ წუთებში აქციის მონაწილეებს დავით ბაქრაძე მიმართავს. ასევე დაგეგმილია საქართველოს მესამე პრეზიდენტის მიხეილ სააკაშვილის პირდაპირ ჩართვა კიევიდან.ცოტა ხნის წინ კი “ერთიანი ნაციონალური მოძრაობის” ერთ-ერთმა ლიდერმა თენგიზ გუნავამ საგანაგებო განცხადებაც გააკეთა.
” სუს-ის წარმომადგენლები სამეგრელოს სოფლებში რეკავენ პარტიის სახელით და ეუბნებიან , რომ ზუგდიდში დაგეგმილი შეკრება-აქცია გადაიდო.მარტვილში სამარშუტო ტაქსებს ბლოკავენ, წამოსულებს აჩერებენ და აყოვნებენ, პატრული დგას იმ ადგილას, სადაც მიტინგი უნდა ჩატარდეს და ყველა მანქანას აჯარიმებენ. მოვუწოდებთ ხელისუფლებას გონს მოეგოს, გაიხსენოს რომ ამ მიტინგების მშვიდობიანად ჩატარება მათი პასუხისმგებლბაა და არა არაფრისმთქმელი მემორანდუმის ფრიალი, ჩვენ გვესმის რომ ბათუმის აქციის შემდეგ ხელისუფლება დამფრთხალია და აგონიაშია, მთავარი სიურპრიზი მათ 8- ოქტომბერს ელოდება”-განაცხადა ნაციონალური მოძრაობის ერთ-ერთმა ლიდერმა თენგიზ გუნავამ.
ამ წუთებში ზუგდიდი. ფოტომასალა “თაიმერის’ კორესპონდენტმა მოგვაწოდა ადგილიდან.
